1 қазан күні Грузия әділет министрі Тея Цулукиани 50 мемлекеттен аса әріптестерімен бірге балалар порнографиясы мен зорлық-зомбылыққа қарсы министрлер Декларациясына қол қойды деп  «Грузия онлайн» порталы хабарлайды.

Грузия әділет министрлігінің хабарламасы бойынша, «Балаларға қарсы ғаламтор зорлық-зомбылығына қарсы күрес жаһандық альянсы» екінші министрлер саммиті Вашингтонда өтті. Оның ұйымдастырушылары АҚШ баспрокуроры Эрик Холдер және еурокомиссар Сессилия Мальстрам. Холдер өзінің жолдауында, осы аядағы жұмысты координациялау және құқық бұзушылықты алдын алу мақсатында балаларға ағарту жұмыстарын жүргізу қажеттігін атап өтті.

Жаһандық альянс 50-ге жуық мемлекетті біріктірді. Оның мақсаты – ортақ күшпен, желідегі өрістеп келе жатқан балаларға қарсы сексуалды зорлық видео, фотоматериалдарын ғаламторда сатумен айналысатын қылмыскерлермен күресу.

Дерекнама: Эхо Кавказа